Lemma
7. Cohaesionem
massularum
corporis solidi a nisu aequali in directiones contrarias sese movendi dependere
demonstravit clarissimus Wolfius (Cosmol. , § 291, et Phys. dog. , § 45).
Theorema I
8. Corpus solidum dum in
fluidum abit, massularum nisus . aequalis sese movendi in directiones
contrarias impediri debet.
Demonstratio
Massularum corporis
solidi impediri debet mutua cohaesio, «um id in fluidum fuerit transmutandum (§
6). Cohaesio haec ab aequali
massularum nisu in directiones contrarias sese movendi proficiscituf (§
7). Nisus itaque hic prout
causa cohaesionis corporis solidi massularum impediri debet. Q. E. D.
Corollarium I
9. Quoniam sine ratione
sufficiente nihil fierl potest (Ont, § 70), massularum nisus aequalis in
directiones
contrarias sese movendi a causa quadam impediatur necesse est, dum corpus
solidum in fluidum transmutatur.
Scholien
10. Causam hanc esse motum
fluidi praeexistentis patebil
inferius.
Corollarium II
11. Corpus solidum dum in
fluidum transmutatur, vires nisus
aequalis, quem massulae corporis solidi exerunt ad sese movendas
in directiones contrarias, viribus causae massularum cohaesionem
impedientis resistere nequeunt.