constantis majora
reddi atque adeo massulae corporis illius a se invicem recedere debent. Q. E.
D.
Theorema III
27. Dum corpus solidum in
fluidum transmutatur, singulae ejus massulae moveri debent.
Demonstratio
Quoniam singulae ejus
massulae a se invicem recedere (§ 26) adeoque Iocum suum mutare debent. Loci
mutatio est motus corporis (Ontol. , § 642). Corpus igitur solidum dum in
fluidum
convertitur, singulae ejus massulae moveantur necesse est. Q. E. D
Experientia
28. Mineralia ut fundantur,
igni immitti debent; ut vero per solutionem in statum fluidum
reducantur, menstruis
immergantur opus est. Exhalant et diffundunt per circumfusum undiquaque aerem
corpora odorifera effluvia sua: glacies liquescit ambiente calore: at secus
nulla liquatio unquam observatur.
Corollarium
29. Ignis, aer, aqua et
menstrua caetera sunt corpora fluida
(§ 3 et 5). Corpus igitur
quodlibet solidum si in fluidum fuerit
transmutandum, fluido alio immittatur atque eo circumdetur
Opus est.
Corollarium II
30. Corporis
cujuslibet
solidi in fluidum reductioni» aliud
fluidum praeexistere debet cui imponatur.
» Ii рукописи ошибочно reductionem.
