Definitiol
§
1. Corpuscula sunt entia composita per
se inobservabilia, seu adeo exigua, ut omnem visum effugiant.
Corollarium I §
2. Quoniam ratio eorum, quae corporibus naturalibus
conveniunt, quaerenda est in qualitatibus corpusculorum, et modo quo juxta se
ponuntur (Cosmol. , §233), ergo etiam differentiae, quae in eorum
cohaesione conspicitur, ratio inde petenda est.
Corollarium II § 3. Corpuscula omni visui
obvia non sunt (§ 1), proprie-tates igitur eorum, et modus, quo juxta se
invicem ponuntur, ratiociniorum auxilio sunt investiganda.
Definitio II
§ 4. Corpuscula, quae
rationem compositionis suae habent in elementis, dicuntur primitiva.
Definitio III
§ 5. Corpuscula, quae
rationem compositionis suae in aliis se minoribus habent, derivativa sunt.
Definitio IV
§ 6. Corpuscula derivativa
proxima sunt, quae ex primitiv» constant; remota vero, quae ex derivativis
componuntur.