Corollarium
§ 7. Primitiva ad
derivativum, quod constituunt, et derivativa proxima ad derivativum
remotum, quod
componunt, sunt ut partes ad tota.
Definitio V
§ 8. Corpuscula Homogenea
dico, quae aequalia et similia sunt quoad figuram.
Scholium
. § 9, Non eam
hic
corpusculorum similitudinem figurae aequa-Jitatemque intelligo, ut illa non
nisi alia quadam qualitate intrin-seca, aut solo numero differant; verum
etiamsi aliquam dissimili-tudinem figurae et inaequalitatem habeant, in
reddenda tarnen ratione, cohaesionis sensibiliter differentis negligendam
atque pro nulla habendam. Ex. g. si moles unius corpusculi fuerit ad molem
alterius ut 1000
ad
999. Et quoad figuram, si
fuerint duo corpuscula pyramidis basi quadratae insistentis figura
praedita, alterius
anguli ad basim arcum 52°?1', alterius vero 52°30' pro mensura habuerint.
Definitio VI
§ 10. Corpuscula heterogenea
sunt, quae mole vel figura vel utroque simul differunt.
Scholium I
§ 11. Mole et figura
differre corpuscula exinde patet, quod sint entia composita (§ 1), composita
namque omnia
sunt extensa (Ontol. , § 619), extensum omne augeri et minui potest (ibid.
, § 629 et 630) atque ejus figura
immutari (ibid. § 634 et 640). Dum igitur corpusculum unum augetur, alterum
vero minuitur; alterum hanc, alterum vero aliam figuram induit; adeo tunc
eadem mole et figura differunt.