Experimentum I § 46. Si duo marmora
lateribus planis atque politis ita juxta se invicem applicentur, ut ex
contactu aer quantum fieri potest per affrictum expellatur; marmora
haec cohaerent adeo, ut intensis viribus ea divellentis indigeant. Verum dum
in recipientis cavitate suspenduntur, aere exacto propria gravitate unum ab
altero dilabitur (Phys.
exp. , tom. 1, § 113).
Corollarium I § 47. Quoniam marmora lateribus planis
politisque se
mutuo contingentia cohaerent (§ praec), igitur premuntur secundum directiones
contrarias (§
44).
Corollarium II
§ 48. Marmora illa aere
ambiente in statu cohaesionis per-durant, eodem sublato dilabuntur (§
46), evidens ergo est, ea
vi aeris compressa cohaerere.
Experimentum II § 49. Si orbis orichalceus
vasculi cylindrici ambitu compre-hensus ita, ut aqua inter eum et fundum
vasculi penetrare nequeat, aquae immergatur usque ejus pressio superet pondus
orbis, aqua eum ita ad fundum vasis allidit, ut gravitatis propriae vi ab
eodem decidere non possit. Verum quamprimum sursum attollitur, usque pressio
aquae ponderi ejus sustinendo non sufficiat, orbis illico a fundo vasis
avulsus deorsum praeceps labitur (Experim phys. , tom. 3, § 129).
Scholium
§ 50. In experimento hoc si
liquor quicunque alius substi-tuitur, idem sequitur effectus.
