М.В.ЛОМОНОСОВ ТОМ 1 ТРУДЫ ПО ФИЗИКЕ И ХИМИИ

Def. VI

11) Chymicus theoreticus est, qui habet cognitionem philosoph-
icam corporis mixti mutationum.

Schol.

12) E. g. siquis in olla, aqua vel alio liquore plena, igni impo-
sita ebullitionem excitari posse noverit, idque actu prosequitur,
practicus audit. Quodsi vero eidem innotuerit aquam per aerem
igne expansum atque inde erumpentem in ebullitionem excitari,
est theoreticus.

Theor. I

13) Verus Chymicus debet esse theoreticus et practicus.

Dem.

Chymicus possidet habitum ea demonstrandi, quae in Chymia dicuntur (§ 8), ea igitur, quae demonstret, prius debet cognoscere, hoc est cognitionem historicam acquirere* mutationum corporis mixti adeoque practicus esse (§ 10). ^b Q. E. primum. Porro idem debet cognita demonstrare posse (§ 9), id est eorum rationem assignare, quod cognitionem philosophicam praesupponit (§ ). Adeoque sequitur Chymicum verum etiam theoreticum esse oportere (§ 11). Q. E. alterum. «¹

Corol. I

14) Chymicus igitur verus debet esse etiam Philosophus.

Corol. II

15) Uli, qui sola praxi occupantur, veri chymici non sunt.