Inter innumera, quae
radiorum solarium virtute natura perpe-trat, et industria eruditorum manu opem
ferente, curiosis oculis usurpanda sistit, mirabilis speculorum et lentium
causticarum vis principem locum jure obtinet. Etenim plerique viri docti aeque
ac artifices periti et solertes summam operam in illis elaborandis
posuerunt, atque,
ut potuerant, maxima mole illa conflare, arte politissima perficere et ad id
perfectionis deducere adnixi sunt, ut validissimus eorum in comburendo vigor
fere inimitabilis esse moderno tempore credatur. Artifex Lugdunensis Vilettus
speculum causticum habebat, cujus diameter erat 30 pollices longa, focus
autem dimidium Ludovici nummum aureum adaequabat, ejus virtu-tis
causticae, qua
lignum viride admotum statim exardescebat; metalla duriora perforata, silices
in vitrum conflati fuerunt. Dn. de Tschirnhausen majora speculis suis
praestitit; quae non solum metalla, verum etiam Ardesiam, validissima
crucibula, lateres ingenti igne excoctos atque etiam pumices ex montibus
ignivomis rapaci flamma ejectos in vitrum convertebant. Idem vir meritis suis
in orbe litterario praeclarus lentes causticas confecerat tantae molis, ut
nemo tandem illis majores parare aggredi ausus fuerit. Maximum omnium quatuor
pedes diametro adaequabat, cujus foco lignum durum et humectatum admotum
momento temporis flammas conceperat, vasa
porcellana, pumex, Asbestus, cineres
ligno-rum ibidem in vitrum abiverant. Vires lentis illius alia
minor, collectiva
dicta, intendebat.