М.В.ЛОМОНОСОВ ТОМ 1 ТРУДЫ ПО ФИЗИКЕ И ХИМИИ

corporis densioris interclusae haerent, nulla fere vi elastica pollent; verum, hisce carceribus liberatae, suique juris factae et ad mutuum contactum admissae emortuum quasi elaterem recuper^nt, eumque in obbtantia corpora exercent. Quod multis experimentis claris-simus Halesius evidentissime ostendit, et nos non pauca in eun-dem finem instituimus, ex quibus sequens experimentum ad pro- positam nostram theoriam condendam prae reliquis convenit. " Spi­ritus nitri drachmas 5 infudi vitro colli angustioris eique immisi cupri drachmas 2, et statim collo vitri vesicam compressam, aere, quantum fieri potüit, ⁶ expulso, firmiter alligavi; solutio post horae circiter quadrantem cessavit, et vesica aere ex metallo et spiritu egresso fuit valide inflata; quam postquam super collum vitri filo constrinxi, a vitro removi, vero aere plenam esse non dubitavi: nam digito compressa rursus pristinam figuram recuperabat, et nivi admota flaccidior, Camino autem apposita rursus turgida facta est, et acu perforata et compressa expulso aere levia objecta et flammam candelae agitabat. Dimensione sollicite instituta, de-prehendi volumen aeris, renato elatere expansi, ad volumen spiritus et metalli fuisse ut 68 ad 1; ad metallum vero, cujus una drachma erat soluta, ut 2312:1. Ex his experimentis eviden­tissime elucet aerem, per porös corporum disseminatum, integro fere sui elatere destitui, " et contra, particulis ejus ex angustiis