notandum est, omnes
sales abuadare insigni quantitate aquae, quae per destillationem in vas
recipiens copiosa ex illis elicitur, et quamvis a quibusdam salibus
volatilibus nulla separari potest, ex analogia tarnen et facili cum aqua
conjunctione idem de illis asserimus.
§ 40
Sales in aqua soluti
post lenem evaporationem in crystallos pellucidas concrescunt, consequenter in
aqua formam suam induunt, atque adeo necessarium est, ut pori salium sint
aqua pleni. Quod etiam eorum pelluciditate comprobatur: corpora enim porosa et
alias minus pellucida, aqua tarnen imbuta, diaphana fieri solent. Unde
vitriolum leni tepore ad albedinem calcinatum, ita tarnen, ut partes ejus
minutissimae non dilabantur, , opacum redditur, at postquam affusam aquam
poris imbibit rursum pelluciditatem recuperat. Saccharum per crystallisationem
in aqua concretum pellucidum est, at quod per inspissationem in conis cavis
formari solet, vix aut ne vix quidem radios lucis transmittit; verum aqua in
porös eius accedente ad pelluciditatem propius accedit.
§ 41
Cum itaque salium
(nempe non calcinatorum) pori aqua pleni sint, fieri igitur nequit, ut aquae
immersi eam in se recipiant. Unde patet etiam aerem per aquam disseminatum
porös saiium minus ingredi, adeoque nec in illis renato elatere expandi, nec
in particulas salium agere posse.
§ 42
Asserti veritatem
confirmat sequens experimentum. Vasculum vitreum aquae semiplenum posui sub
campana antliae et reiteratis aliquot agitationibus emboli aerem
subducebam; surgebant
bullae aereae utcunque frequentes. Tandem aerem ex aqua abunde subductum esse
ratus, vasculum exposui aeri libero simul cum altero vasculo aequali et simili,
in quo ejusdem aquae (ex qua