poribus ео majorem existere, quo
cohaerens eorum materia est densior, et contra. Ita laxior stupa flammam
concipit magnam quidem, sed aestu multo minore praeditam, quam, ubi illa
stric-tius compacta incenditur. Stramine, quod in mitem flammam alias expandi
solet, fertilium Russiae camporum, sylvis caren-tium, incolae lignorum
instar utuntur, in densos et crassos ruden-tes contorto; ligna porosiora
leniore aestu ardent, quam quae solidiora sunt, et carbones fossiles lapideam
materiam poris suis continentes validius urunt, quam carbones lignorum vacuis
inter-stitiis spongiosi. Denique aer inferioris atmosphaerae densior aura
superioris, majore, quae ambit, afficit tepore, quam illa, ut calidissimae
valles montibus aeternam glaciem sustinentibus cinctae loquuntur; 2) constat
corpora
densiora sub eodem volumine plus materiae cohaerentis continere, quam
interlabentis. Quoniam autem ex legibus mechanicis notum est, quantitatem
motus eo majorem esse, quo copiosior est materia mota, et contra; itaque si
caloris ratio sufficiens posita esset in motu intestino materiae interlabentis,
corpora rariora, ob majorem copiam in poris eorum materiae
interlabentis, majoris
caloris capacia essent, quam quae densiora sunt. Verum quoniam contra
quantitas caloris respondet potius materiae corporum cohaeren-ti, patet igitur
caloris
rationemsufficientern contineri in motu corporum intestino materiae cohaerentis.
§ 5
Confirmatur haec
veritas actione coelestis illius ignis, causti-carum ope machinarum corporibus
impressi, qui, remoto foco, eo diutius in illis vivit, quo magis sunt
solida, ita ut in raris-simo illorum aere nullum sensibile tempusculum
duret. Accedit
