ipso in statum
fluiditatis reducto obliterentur. Magnum his mo-mentum affert aurum, quod
superficiei utensilium ex argento fabrefactorum inductum per longum tempus
eidem adhaeret, nec nisi frequenü usu diminuitur. Contra vero momento
tempo-ris superficiem relinquit et per totam argenti massam distrahi-tur, quam
primum res ex eo facta et deaurata igne funditur. Haec omnia manifesto
indicant particulas corporum solidorum, praesertim duriorum et
inorganicorum, motu
progressivo haud moveri.
§ 9
His ita
comparatis, consideremus
primo vas aliquod argen-teum, seu aliam rem ex ejusmodi metallo
fabrefactam, auro
obductam et subülissimis signis incisis caelatam, ad eum gradum calefactam, in
quo aqua ebullire solet. Videbimus aurum in superficie inconcussum, signa nec
minimum immutata, ipsam duriciem corporis eandem persistere, eaque
separationem insen-sibilium particularum prorsus excludi. Hoc autem clarissime
ostenditur corpus posse esse magnopere calidum sine motu intestino progressivo.
Secundo conferemus durissimum aliquem lapidem, ex. gr. adamantem, qui ad
gradum liquefacti plumbi calefactus est (quod saepius sine damno et ulla
mutatione gem-mae artifices eum polituri facere solent), cum aqua utcunque
frigida salem solvente, eoque ipso frigidiore facta, vel cum mercurio
argentum corrodente; priorem inveniemus sine motu intestino progressivo
calidissimum, posteriorem eodem motu agitari, calorem tarnen adeo exiguum in
se prodere, evidentis-simeque ostendere, saepius fieri, ut corpora motu
progressivo intestino praedita multo minus calida sint iis, quae eodem motu
destituuntur. Ex his autem vi principiorum superius (§ 6) alla