cohaesione gaudere, quam
ferrum, nemo est, qui ignorat, majora tarnen incrementa extensionis
capere, ferrum
autem minora expe-rientia docuit. Sic et aurichalcum, corpus cupro
durius, eodem
calore magis, quam id, expanditur. Nec etiam aliqua retardatio
incalescentiae a majore pondere profecta, aut quaecunque alia
circumstantia, quae
in diversis corporibus expansionis impedi-mento foret, fingi potest, quin
exempla contraria occurrant, quae ficta destruant, quam diu expansio
calefactorum ingredienti materiae tribuitur. Sed haec in diversis. At unum
idemque corpus äliquando crescente calore in minus spatium contrahitur, e. g.
aqua, ex glacie nata, est specifice gravior illa, ut etiam ad insignem
gradum calefacta eandem fundum petere prohibeat Sic ferrum et pleraque alia
corpora, quamdiu dura sunt, iisdem ipsis liquefactis ob majus Volumen
innatant, quamvis eum gradum caloris nondum habeant, quo liquescere
solent. Ex
his autem omnibus clarissime apparet, expansione incalescentium
contractioneque eorum, quae refrigerantur, calorificae materiae miram illam
peregrinationem minime probari.
§ 31
Sed hunc pugilem, propria
sua extensionis vastitate jam labefactum, alius forte qui succedit eriget, et
majore gravitate nos opprimet. Nempe non molis modo, sed etiam ponderis
incremento vagabundus ille ignis praesentiam suam in corporibus demonstrare
philosophis videtur, praesertim chymicis. Celeberrimus Robertus Boyle primus,
ni fallor, experimentis
