fit, nix ipsa cum sale
liquescit. Hinc rursum concludi solet, materiam illam igneam ex aqua in
nivem circumpositam demigrare et accessu illius hanc liquescere, illam vero ob
decessum ejusdem in glaciem constringi. Egregie quidem! Sed restat aliquid
ten-tandum, priusquam palmam nobis eripi patiamur. Insere, quaeso, nivi
thermometrum simul cum aqua in vitro contenta, admisce nivi salem, videbis
quidem aquam in glaciem converti et mixtu-ram frigorificam
deliquescere, spiritum
tarnen in thermometro deprimi, manifesto indicio, eo ipso tempore, quo aqua
congla-ciatur, mixturam frigorificam frigidiorem reddi, adeoque nullum ignem
elementarem in eam ex aqua propumpere; sed potius nivem tepidioris aquae
contactu prius resolutam salem aggredi, solvere, refrigerari, minoremque
a
gradum caloris, quam aqua in glaciem abiens habere solet, acquirere, inde
aquam puram in vase congelascere, ipsam vero nivem ob salem absorbtum
liqui-dam perseverare. Quis enim ignorat in aqua, sale impregnata, aliam
puram, vitro inclusam, ad gradum thermometri Fahrenhei-tiani 26 in glaciem
converti, salsa
liquida manente.
§ 34
His omnibus nil aliud
contendimus, quam calorem corporum condensationi subtilis alicujus et ad illum
dumtaxat destinatae materiae vindicandum non esse, sed eum consistere in motu
intestino gyratorio materiae cohaerentis corporis calidi; eoque ipso non solum
asserimus etjam subtilissimam illam materiam aetheris, qua omnia spatia a
sensibilibus corporibus vacua re-plentur, ejusdem motus et caloris esse
capacem; verum etiam affirmamus, illam impressum sibi a sole motum
calorificum etiam
» В оригинале
ошибочно majoremque.