telluri nostrae et
reliquis corporibus mundi communicare, eaque calida reddere, atque adeo eam
esse medium, quo corpora а se invicem remota, nullo sensibili
intercedente, calorem
commu-nicent.
§ 35
Remota materia
calori
alias unice consecrata finis verbis imponendus esset, si a parte contraria
novum nobis negotium non insurgeret. Non enim desunt, qui etiam frigori
specialem substantiam dicaverint, nimirum causam ejus positivam in salibus
statuerint, producto per solutionem eorum in aqua frigore moti. At quoniam
iidem sales etiam calorem non raro gignunt, ut sal communis affuso oleo
vitrioli fervet et incalescit; idcirco nos quoque pari jure caloris causam
salibus adscribere possemus, si tarn incondite disputare non indignum esse
putaremus.
