primum argentum Iiquatur,
manifesto indicio particulas corporum solidorum praecipue inorganicorum in uno
eodemque loco persistere nec motu progressivo incedere, contra vero liquidorum
corporum moleculas eodem motu agitari.
§ П
Quantum autem ad motum
tremulum spectat, eum in corporibus, quorum particulae etiam utcunque
cohaerent, fieri non posse facile apparet. Etenim eo durante particulae
corporis continuo ultro citroque resiliunt a se invicem, unde fieri nequit ut
inter se cohaereant, atque adeo nec in solidis nec in liqui-dis corporibus
motus tremulus fieri potest, sed solum in iis quorum particulae nullo nexu
vinciuntuf, cujusmodi aeris et aetheris particulas esse censemus.
§ 12
Videndum denique restat,
utrum particulae corporum solidorum durante firma cohaesione gyrari
possint. Ad
hoc demonstrandum sufficit in mentem revocare duo marmora politis
super-ficiebus conjuncta facile juxta se invicem moveri, fortissima cohaesione,
qua vinciuntur, nihil obstante; item vitra lenticularia apud politores
formae celerrime in gyrum actae ita adhasrere, ut ab ea juxta lineam piano
contactus perpendicularem sine damno removeri nequeant. Nil igitur est, cujus
gratia affirmare vereamur superficies particularum non obstante mutua
cohaesione
juxta se invicem moveri, atque particulas ipsas gyrari posse.
