attendisse, neque
in
hoc negotio mentionem fecisse acidi Spiritus, qui per flammam ex sulphure
elicitur, et
metalla penetrat, eaque accessu suo turgida et ponderosiora reddere
solet. Reliqua
experimenta ejus in Mantissa ad finem opusculi subjuncta majo-ris momenti esse
quidem videntur, verum omni suspicione prorsus libera non sunt, cum author
ipse illis praesto non adfuerit, sed saepe operatori cuidam peragenda
commiserit. At esto, quod praeter partes corporis accensi vel particulas in
aere circumvo-litantes accedat metallis tempore calcinationis quaedam
materia, quae
pondus calcium äuget. Verum quoniam calces ex igne vel flamma depromptae
pondus acquisitum continuo servant calore amisso; igitur tempore calcinationis
insinuatur quidem illis materia, sed non calorifica. Cur enim ea in calcibus
ab igne remotis naturae suae obliviscatur, nec tarn diu corpus ipsum calidum
reddat, quamdiu eidem inhaeret, non video. Porro calces metallorum in
formam metallicam reductae pondus acquisitum amit-tunt. Cum vero reductio
aeque atque calcinatio eodem igne perficiatur, nulla profecto ratio reddi
potest, cur idem ignis calorificam suam materiam nunc corporibus
insinuet, nunc
ex iisdem excutiat. Haec расе manium viri de republica litteraria bene meriti
dicta sunto. Caeterum non absimilia experimenta instituerunt viri celebres du
Clos* et Boerhavius, ** quae meas partes tueri potius, quam contrarium
propugnare videntur. Siquidem prior ponderis augmentum, quod mineralibus per
calcinationem accedit, deducit a particulis sulphureis aeri inna-tantibus, qui
super mineralia, durante calcinatione continuo fluit, et dictas partes illis
insinuat, idque eo demonstrat, quod 1) ex regulo antimonii in aere libero
calcinato, ope
Spiritus
vini
tinctura rubra extrahitur, qua separata, massa relinquitur ejus
ponderis, quod
habebat ante calcinationem, 2) regulus antimonii aliter nempe sine augmento
ponderis calcinatus ejusmodi tinctu-ram non suppeditat. Alter ferri libras
quinque et uncias octo
* Memoires de I'Acad. Royale
des Sciences, annee 1667.
*
Elem. Chem. Parte 2 de igne, exper. 20.
