§ 1
Postquam antliae
pneumaticae usus innotuit, mirum quantum scientia naturalis cepit incrementum,
ea potissimum parte, quae de natura aeris doctrinam
complectitur. Proprietates enim
illius, quae ante seculum prorsus ignotae fuerant, jam hodie non solum
cognitas
habemus, verum etiam mathematicis legibus definitas et in summo fere fastigio
distinctae cognitionis constitutas mi-ramur. Quamvis autem elastica ejus vis
saepius, quam reliquae proprietates illius, Physicorum scriptis
celebratur, et
cuilibet forum scientiae naturalis ingredienti inter palmarias rerum naturalem
qualitates sese offert; nihilo tarnen minus causa illius nondum satis
perspecta habetur, in eaque explicanda etiam cele-brium naturae scrutatorum
ingenia casso molimine torsa sunt. Unde scriptores Physici plerumque intacta
elateris causa in solis effectibus illius describendis acquiescunt. Aut si qui
causas assignant, eae tarnen et invalido pede nituntur, et phaenomenis circa
elaterem aeris observatis explicandis non sufficiunt. Plerumque autem
eo ipso plane nullae sunt, quod nihil, praeter quaestionem ipsam, verbis
duntaxat mutatis, in se сои" tineant.