§ 2
Prae omnibus vero, quae
hucusque ex Physicorum scriptis nobis innotuerunt, hypothesibus, ad
explicandam vim aeris elasti-cam formatis plausibiliores essevidentur eae, quae
legibus motuum centralium superstructae sunt. Non enim eadem quaestio variata
phrasi involuta in illis pro causa ipsa affertur, aut quae proponun-tur a
motus regulis aliena sunt. Et nos suscepto hoc negotio actum equidem ageremus,
si non quaedam adhuc desiderari, aut verius exundare in plaeclaro hoc invento
videremus.
§ 3
Superfluum nempe esse
censemus, ut ad elateris aeris causam exponendam in auxilium vocetur ejusmodi
peregrinum fluidum, qualia plerique consuetudine seculi, subtilium materiarum
feracis, ducti justo saepius ad explicanda rerum naturalium phaenomena
usurpare solent. Ipsius enim aeris subtilitate atque agilitate contenti, in
propria ejus materia elateris causam quaerimus. Id autem non injuria facere
nos aestimabit, quicunque medita-tiones nostras de caloris causa Iegit
et, quae
sequuntur, cum iisdem conferet.
§ 4
Ut vero in suscepto hoc
negotio justo ordine progrediamur, a clara notione elateris aeris incipimus:
idcirco et definitionem tractationi huic praemittimus atque vim illam in conatu
aeris quaqua versum sese expandendi consistere dicimus. Hinc autem concludimus
particulas aeris insensibiles a se invicem recedere, quamprimum
remotis obstaculis re ipsa expanditur. Ubi tandem