М.В.ЛОМОНОСОВ ТОМ 2 ТРУДЫ ПО ФИЗИКЕ И ХИМИИ

Post inventam antliam pneumaticam multa quidem³ in natura aeris^b detecta, verumtamen causa elateris nondum satis expli-cata esse censetur, § 1. Hypotheses viribus central!bus innixae prae reliquis placent, § 2. Quid in illis desideretur, aut potius superfluum sit, ostenditur, § 3. A clara notione elateris aeris explicandi initium⁰ capitur, § 4. ^d Elaterem aeris non ab organi- cis* et compositis quibusdam moleculis, sed a simplicissimis et solidissimis atomis illius proficisci ostenditur, § 5-7. Figura atomis elaterem producentibus sphaerica et superficies asperula convenientissima esse judicantur, § 8 et 9. Particulas aeris ela­terem producentes non interfuso aliquo fluido, aere ipso subti-liore, sed mutua ipsarum^f actione a se invicem pelli docetur, . § 10—12. Particulas aeris calore in gyrum actas et aspe-ris superficiebus collisas a se invicem resilire, « indeque ela­terem illius pendere^h probatur, § 12-17. Exemplo explicatur theoria, § 18, Praecipua phaenomena, ' quae aer exserit, explicantur, eoque theoria proposita magis adstruitur 19 et seqq.