illius Ionge majorem fieri oportere
affirmat, si
omnis pulvis, ad explodenta tormenta adhibitus, et quidem in instanti flamma
consumeretur.
§ 3
Quod aura illa sit
verus aer atmosphaericus, demonstramus alias. * An vero affirmandum
sit, elasticitates
aeris densitatibus ejus proportionales esse, id non obscure patebit, si ex
aliis experimentis, ob id institutis, deductiones Bernoullianis similes
ipsasque corroborantes elici potuerint. Hunc in finem nulla alia experimenta
aptius adhiberi posse censemus, quam ubi compres-sus admodum aer in cohibentia
vasa agit ipsaque disrumpit, ex quorum resistentia vis ejus elastica
determinari et cum volumine comparari potest.
§ 4
Cum vero notissimum sit,
aqua in glaciem abeunte, volumen ejus crescere et stupenda vi cohibentia vasa
rumpere; id autem
ab aere, ex poris aquae, jam jam
congelascentis, liberato et in bullas collecto, proficisci, extra omne
dubium est; hunc in finem confici curavimus aliquot globos vitreos diversae
magnitudinis,
* Meditationibus
ipsis (§ 27) et singulari
dissertatione, quam paramus.