materiae eorum ubique volumus; tum
aut omnium
corporum particulas fluido gravifico impervias in Universum ejusdem molis et
figurae ponere, aut fluidum illud abrogare debemus. Priori stupenda rerum
naturalium varietas obstat; posterius et sanam rationem offendit et
qualitatibus occultis patrocinatur. Super haec id considerandum
venit, quod, si
mundum adspectabilem plenum materia statuimus; materiam gravitate carentem
admittere debemus; alias enim omnia corpora in fluido aethereo nec ascen-dere
nec descendere vi gravitatis possent. At si materiam gravitate carentem
concedimus, necessario a majori concludendum erit, dari diversas materias
gradu gravitatis specificae aliis materiis cedentes. Quod etiam loquitur
analogia aliarum qualitatum, quibus corpora sensibilia gaudent: quippe lumen
cum tolli de corpore possit, variat etiam gradu intensionis. Sic de
sono, elatere,
sapore et reliquis notissimum est.
Si itaque
statuere
velimus gravitatem corporum specificam differre pro ratione superficierum, quas
corpuscula fluido gravifico impervia eidem opponunt; tum non solum memoratae
supe-rius difficultates sublatae erunt omnes, verum etiam amplior via
aperietur cum ad pleraque phaenomena dilucidius explananda, tum etiam ad
naturam minimorum corpusculorum examinandam. Etenim posita summa superficierum
corpusculorum auri fere vicesies majore, quam summa superficierum
corpusculorum aquae in aequalibus voluminibus, erit aurum vicesies fere
gravius,