gravitate
indiget, verum etiam ab hac nostra Societate grati animi significatio erga
Fundatorem illius jure meritoque requi-ritur? Inter innümeros enim, eosque
magnos magni
principis labores, hanc in Patria nostra Musarum sedem, incredibili ac prope
divina sapientia Illius instauratam, praecipuam curam fuisse, nullus
dubitat, quicunque immensam scientiarum utilita-tem, quae in populo optimis
rebus instituendo longe lateque diffunditur, certo judicio ponderat, aeque
ac ardentissimum divi Imperatoris Studium illas pernoscendi et in Patria propa-
gandi, sive
oculatus testis atque admirator meminit, sive famae celebritate
convictus suspicit. Etenim Vir summis rebus natus cum novum exercitum hostibus
opponere, nova classe maria occu-pare, nova judiciorum et legum majestate
tribunalia reddere sanc-tiora, nova moenium forma urbas munire, novis
immunitatibus
mer-catorum et artäficum excitare solertiam, atque omnium suorum civium mores
conformare, et universam Patriam denuo condere in animum induxisset; tum
facile intellexit, non castra, non urbes rite muniri, non naves construi, et
maribus tuto, sine Mathematum scientia, committi; non arma, non igniferas
machinas, non medelas laceris post proelia militum corporibus, remota Physica,
parari; non denique legum et judiciorum aequitatem ac morum probitatem
absque Philosophiae et Eloquentiae studio introduci; atque adeo nec
belli instrumenta nec pacis ornamenta sine Scientiarum
ope comparari posse. Quamobrem
non solum viros quavis scientia atque arte conspicuos amplissimis praemiis et
hospitali-tatis secura comitate peregre invitavit; non solum per omnes Europae
regiones et urbes Academiis, Gymnasiis, Palaestris et artificum peritia
inclytas, lectissimorum juvenum examina dif-fudit; verum etiam Ipse Dux et
instar omnium, praeter aliorum Principum consuetudinem, non semel patrio solo
relicto, Bata