in
caudis cometarum
simillimi sunt columnis et radiis, quibus boreale lumen flagrat. Denique
utriusque pallor, viam stellarum radiis et transitum concedens arguit, eandem
naturam esse utriusque; utrobique siderum lumine fortiore debilius electricum
obruitur.
Cum itaque caudae
cometarum vapores non sint, sed solum aetheris motus ab electricitate profecti;
vani equidem sunt illi terrores, qui incutiuntur Cometarum apparitione, a
quorum caudis diluvia oriunda esse cretruntur.
Non pauca
sunt, quae
de aliis coeli phaenomenis, quemad-modum de lumine Zodiacali, de stellis
nebulosis et de lactea via, simili modo disputari possent, quorum non dispar
origo mihi esse videtur. Verum tarnen orationis curriculum cohibere
mihi, rerum
magnitudine fesso, necessitas suadet; Vobis forte audiendi satietas silentii
desiderium excitavit.
Finem itaque
sermonis
implendo, ad Eum me converto, qui hominem creavit, ut contemplando immensam
rerum creatarum magnitudinem, innumerabilem multitudinem, infinitam
varieta-tem et summa Providentia positum inter eas nexum, illius
sapientiam, potestatem
ac clementiam venerabundus admirare-tur. Illum ego ardentissimis votis precor,
ut, cum nostrum aevum reseratis et patefactis tot naturae mysteriis
clementissime prosperaverit, assiduos eruditorum labores, ubicunque terrarum
discere opera illius Student, felicissimo successu etiam ultro secundare non
dedignetur; ut ad salutem et vitam mortalium, ab infesto meteororum impetu
protegendam, securum ubique aperiat asylum; denique ut eo adspirante, divinis
Magni Petri consiliis et liberalitati kugustissimae illius filiae nostrorum
conaminum successu respondere possimus; ut sub pacatissimo