Omnia ista non eum in
finem hic subjuncta sunt, ut me Uli Viro praeferendum esse velim; sed clariss.
Collegarum placita sequutus sum, qui ad praecavenda laeva de me judicia haec
inserenda esse voluerunt.
II. Mirum autem etc.
(p. 36, 1. 10). Glacie obtecta aqua
marina ad 28
orgyas
profunditatem in sinu Finnico, a littore 23 Verstas, in submerso
Thermometro Mercuriali ostendit gra-dum 150, seu punctum congelationis, juxta
meam
divisionem 0.
Experimentum
instituit quidam amicus meus anno 1746 die 17 Martii, cum describendis
littoribus et insulis sinus
Finnici operam daret. Aquam marinam, quam a promontorio septentrio-
nali, curante
alio amico, obtinui, exposui frigidissimo aeri, die 14 Februarii anni
praesentis in poculo vitreo. Depresso mercurio in Thermometro infra terminum
congelationis ad 2 gra-dus, aciculae frequentes in aqua apparuerunt; at cum
Mercu-rius 3j attingeret, densam
consistentiam nacta est integra aqua. Thermometrum indicabat in aere
gr. 177; infra congelationis
terminum 27.
III.
Confirmatur ratiocinium etc.
(p. 40, 1. 1). Glacialium accretionum
celeritatem stupenda vi frigoris fieri posse, inde etiam colligitur, quod in
Sibiria effusa ex vasculo in guttas resoluta aqua gelu constringatur in glaciem,
priusquam terram attigerit.
IV.
Ex multoties autem institutis etc.
(p. 40, 1. 20). Expe-rimenta ad
determinandas aeris densitates, in variis gradibus caloris, ceteris
paribus, instituta
sunt a me, praeter alia vasa, in tubulis manometricis aequabilibus, sine
bulbis. Variante rationem extensionis diversa quantitate vaporum, media
inventa est utcunque regularis; nempe volumen aeris 50 graduum infra punctum
congelationis, ad id, quod est circa ipsum punctum, esse ut 10 ad 11; ad 50
autem gradus calidum
supra illud punctum, ut 10 ad 12; sive 5 ad 6. Hinc gradui caloris supra