tantam altitudinem
vapores ascendere a cometa confirmabimus? Quo jure? Sed fingant subtiles
vapores, quibus fingere volupe est. Ego rerum naturam ubique sibi similem
invenio; et cum radios etiam remotissimarum stellarum ejusdem esse indolis cum
solis radiis et communis ignis ex reflexione et refractione disco: idcirco
pariter in cometis et aerem et vapores eodem ingenio gaudere, quod nostri
sequuntur, non dubito. Porro si similitudinem inter cometarum caudas et
auroram borealem deprehendimus, hancque vapores ex globo nostro exules esse
non existimamus; pari jure igitur in dissipandis cometarum vapo-ribus parci
esse debemus, tantam propter similitudinem; ad quam clarius ostendendam
sequentia subjungo.
1)
Observantur caudae cometarum aliquando coloribus luden-tes; Hevel. Cometogr.
, libr. 8,
p.
451, 453.
In
aurora boreali idem quandoque contingit.
2)
Deflectit cauda cometae et incurvatur circa perihelium, cum motu
laterali incedit; columnae aurorae borealis etiam motu simili incedentes
relinquunt nonnunquam post se fragmenta exspirantium columnarum, quae simul
spectata caudam cometae incurvatam non inepte referunt [fig. 22]. Columna a
movetu secundum
directionem sagittae; exspirantium columnarum partes sunt bb et cc.
3)
Interrumpitur cauda cometae et frustatim apparet: Hevel. , ibid.
, p. 450, 451; interrumpuntur eadem
ratione columnae luminis borealis.
4)
Jübar ambiens caput cometae splendidius est cauda, non secus atque
arcus luminis borealis majore luce coruscat, quam columnae.
