inquirendo partium
illius structurae cognoscendae supersedebi-mus. Ego equidem inter illos
desperatos me numerandum esse non patior, qui prudentiores Physicos esse
censent figuram particularum minime investigandam esse putantes. Non animum
ejus absterrere debent
anguli, vesiculae, cunei, acus, uncinuli, spirae, et
sexcenta ejusmodi machinamenta, qui verissimum agno-scit, omnia ejusmodi
principiorum corpuscula esse sphaerica.
§ 8
Non acquiescere
tarnen
possum in sola veri similitudine; nec quod quidam viri cordati et in scientia
naturali Heroes praeci-puorum corporum particulas globulos esse
agnoscant, praesertim
fluidorum (omnia autem solida igne urgentur et fiunt fluida), nec plausibili
ex analogia argumento innitor, quod omnia corpora rotunditatem affectare, et
quasi amore quodam amplecti videam, in maximis et minimis, in corporibus
mundi totalibus et in minutissimis globulis, sero sanguinis innatantibus. In
diver-sis partibus animalium, vegetabilium atque mineralium, in
ovis, fructibus,
seminibus, quae frequentior figura ostenditur quam sphaerica? Corpora liquida,
ipsa etiam metalla fusa, eo facilius sphaericam figuram induere solent, quo
moles eorum est minor. Omnia haec praetereo, et mathematico rigori
innisus, sententiam
meam firmam et inconcussam reddere conabor.
