altitudine duorum, vel
ejusdem sideris, interjecto tempore dato, deducitur tempus in meridiano navis.
Ad observationes hujusmodi commodo jamnum adhibetur quadrans Anglicanus
catoptricus, quo ingeniosissimus inventor docuit astra deducere coelo. Cog-
nita
latitudine atque tempore in loco navis investigatur denique longitudo, et
quidem duabus viis inter se diversis. Altera est mechanica, astronomica
altera. Haec comparatione situs astrorum, illa fidelissimo, quam fieri
potest,
horologio ad meridianorum differentiam cognoscendam ducit.
Incommoda atque
difficultates quibus haec methodus obnoxia est, in his consistunt. Quadrans
Hadleianus quamvis apte ad alti-tudines siderum adhibeatur observandas, ut
oscillationes navis agitatae fluctibus eludantur, eae nimirum, quae
observandum sidus versus tendunt; illae autem, quae his perpendiculares fiunt,
ad latera observatoris, nondum evitari eodem possunt. Quo fit, ut accurata
horizontis et sideris distantia non satis certo determinetur. Denique
horizontis ex varia refractione inconstans altitudo, et noctu, vel nebulis in
eo oberrantibus male dister-minatus conspectus incertas adeo reddunt
observationes. Hinc fit, ut ex erroribus in latitudine et tempore commissis
insignis differentia (praesertim cum in unum conspirent) longitudinis verae a
computata exoriatur et locum navis reddat admodum dubium. Idcirco operam dedi,
ut incerto et confuso horizonte misso aliam methodum tutiorem multo, eamque
frequentius usurpandam investigarem.
Ad determinandum tempus meridiani primi Optimum esse medium
censetur, omnibusque
ex comparato siderum situ deduc-tionibus praeferendum horologium nauticum, ejus
indolis, ut magno temporis intervallo paucis minutis secundis
aberret. Oscillatoria
horologia impetus agitati maris minime omnium ferunt. Elateri,
