nostrae iram, et impetum fulminei
Ejus militis.
Denique eo angustia-rum erant compulsi atque coacti, et victore exercitu ita
claudebantur terra marique, ut, si non magnanimae Victricis lenitas Ulis
saluti fuisset, tum nemo eorum mortem effugisset, nec nuncius quidem tantae
cladis superfuisset, qui omnium interitum domi prius referret, quam
celeberrima Principis nostrae fama id divulgaret. Haec victoria eo fuit maxime
memorabilis, quod et Mars ipse mitissimum Princips nostrae ingenium
imitari, et
humano sanguini parcere videretur, et tota Europa judicaret Russiam non bello
cum hostibus decertasse, sed solum temeritatem ' poena affecisse. Res
sermonibus gentium est percelebrata. magnanimitatem propriam Principis nostrae
esse virtu-tem, qua erga infensissimos etiam hostes suos utitur, cujusque
ante devictos et confusos externos, etiam erga domesticos inimicos magnum
exhibuit specimen. Confugit in sinum Illius conturbata Russia, et voce
lectissimorum filiorum suorum sie fidem et amorem suum testata est: Recipe me
maternos in amplexus Tuos; capesse haereditarium seeptrum Tuum, et Patria
virtute animata omnibus obstaculis esto major. Pone fiduciam in Deo, qui
justae Tuae causae et salutaribus coeptis aspirabit; pone fiduciam in Те
ipsa, quae unica es
legitima haeres, et Filia mei Sideris; pone fiduciam in me, quae, quidquid
firmamenti ac virium habeo, saluti et gloriae Tuae propugnandae
impendam, perque
concisa hostium Tuorum corpora viam ad solium Tuum recludam. At magnanima
Princeps maluit potius haereditate Sua ad tempus privari, quam illam adire
profuso sanguine. Tandem vero periculo et nutatione Patriae coacta magis, quam
Maiestatis desiderio mota, accedit ad gubernandum, seu verius ad conservandum
Imperium. Constituta in summa rerum omnium potestate, in eos, qui Patria
haereditate
Ipsam excludere, qui nefaria insectatione affligere, et impudentissimo fastu
contemnere non dubitarunt, quamnam vindic-tam exercet? divina lege atque
humana, optatisque Russiae civium ad acerbissimos cruciatus, ad atrocissimam
mortem condemnatos, tantum a serenissimo conspectu suo vult esse remotos, et
qui vita indigni judicati sunt, licentiore solum vita privatos vivere jussisse
contenta est, et hac moderatissimi animi gloria magnum suseepti Impe-rii atque
heroicum facinus majus reddit atque illustrius. Haec autem