Corollarium III
12. Atque adeo vires
causae massularum cohaesionem impe-
dientis violentiores esse debent viribus nisus aequalis massularum,
in directiones contrarias sese movendi.
Axioma
13. Corpora solida
soliditatis gradu differunt.
Scholion
14. Quoniam unicuique
diversa in stanno et ferro, in diamante
et vitro atque sexcentis aliis diversae sortis corporibus solidis
frangendis perspicua est resistentia, indeque diversa partium
cohaerentia atque adeo diversa soliditas colligitur: jure non
demonstrata propositio haec admittenda est, et Axiomatis nomine
est ornanda. Becherus in Physica subterranea, libro 1, sect. 5,
cap.
3 in corporibus solidis
soliditatis differentiam verbis sequen-
tibus explicat: „Soliditas, inquit, liquiditati opponitur, cujus infimus
gradus consistentia est: ut cum corpora gelatinae instar consistunt,
ita ut non fluant. Secundus gradus soliditatis coagulatio est cum
nempe particulae cohaerent, sed solutionem facile admittunt.
Tertius est fixatio, cum corpora compactissime unita sunt; ut
lapides, metalla".
Corollarium I
15. Corpus quo solidius
est, eo massulae ejus arctius cohae-
rent, et contra.
Corollarium II
16. Nisus aequalis
massularum in directiones contrarias sese
movendi eo debet esse intentior, quo corpus fuerit solidius.
et contra.
Corollarium III
17. Corpora quo solidiora
sunt, eo difficilius eorum molecu-
larum cohaesio impeditur.