inquit Ше, aerem
rapide satis
moveri Semper, quod praecipue docet observatio in loco
tranquillissimo äeris, in cubiculo clauso, undique obscuro, per unicum exile
foramen irradiatos si enim tum quis quietus a latere illustrati coni
aerii in illum luminosum Iocum respiciat, mirabitur profecto motum
atomorum, quae
ingenti et perpetua vertigine huc illuc circumvolvuntur". Quod vero aqua
motu intrinseco moveatur, salium in ea probat solutio. Immitte modo aquae
salis cujuscunque frustum, fundum petet, et post horam aut alteram experieris
totam aquam sale illo impraegnatam. Cum vero notum est ex
Hydrostaticis, corpora
specifice graviora non posse in specifice levioribus sponte ascendere; etiam
mas-sulae salis exiguae prout partes eadem gravitate praeditae in aqua nunquam
possent ascendere et per eam totam differri, nisi haec intrinsecus moveretur
et singulae ejus moleculae moleculas salis sibi connexas et a reliquis salinis
particulis avulsas sursum secum eveherent. Aquam igitur perpetuo moveri
clarissimum est. Menstrua vero alia, quorum vi metalla solvuntur et in
fluidum statum abeunt, Semper moveri nemo negabit, qui noverit ea esse
salia aut sulphura in aqua soluta: aqua namque movetur, ut supra dictum
est, moventur
etiam cum ea massulae salis aut sulphuris massulis aqueis adhaerentes. Haec
igitur demonstrant fluidorum praeexistentium fusioni seu liquationi corporum
solidorum motum intrinsecum.
Corollarium 34. Hinc clarissime patet
transmutationem corporis solidi in fluidum a motu fluidi praexistentis
dependere.
Finis.
m. Lomonosoff.