Porro cum lentium
quaelibet 30
lineas
diametro adaequet, focus vero duas lineas latus sit, erit planicies foci ad
planiciem lentis ut 4 ad 900 vel 1 ad 225 et reciproce calor foci erit ad radios
directos ut 225
ad
1. Unde, divisa
densitate radiorum in speculi vilettiani foco per densitatem radiorum lentis
ope coactorum, patet, ad aestum speculi vilettiani producendum lentes
diametri tripollicaris sex cum quarta parte, hoc est, cum lente" septima,
diametri sesquipollicaris sufficere. Decrementum, quod a duplici radiorum
passione, refractione scilicet et reflexione profectum iri non dubito, facile
resarciri poterit addita lente una vel altera. Majoribus vel pluribus speculis
et lentibus etiam maxima hujus-modi instrumenta solitaria adaequari, imo vinci
posse apertum est, si illa eo modo, quem superius descripsi, fuerint
disposita.
Quae cum ita fieri
posse nullus dubitem; nulla enim dubitandi causa est; scopum illum ad quem
contendo accessu facilem esse persuasus sum. Etenim non hic ingentia vitra
multo sudore con-flare et taediosissimo labore polire necessum erit, cum
aliquot minora idem praestare possint; quibus comparandis nec magnos sumptus
impendere opus erit, nec conficiendis summum laborem et operam
navare. Machinam
integram hoc tractatulo propositam constructurus plus quam quadraginta florenos
non impendet, si ea octo vitris diametri tripollicaris et speculis Septem huc
spectantibus, requisitae
amplitudinis, duntaxat habebit. Verum magna illa specula et lentes sola
Imperatorum et Regum muni-ficentia comparata in eorundem technophylaciis
spectantur.
Finis.