§ 34
His tarnen omnibus, quae
§§ 29 33 proponuntur nil aliud
contendimus, quam quod corporum calorem condensationi sub-tilis alicujus
materiae, quocunque nomine illa veniat, vindican-dum non esse. Sed eum
consistere in motu intestino gyratorio (ut supra ostenditur) materiae propriae
ejus corporis, quod est calidum, eoque ipso non solum asserimus etiam
subtilissimam illam materiam aetheris, quae integrum hunc Universum
replet, ejusdem motus
et caloris esse capacem, verum etiam confirma-mus illum impressum sibi a sole
motum etiam telluri nostrae et reliquis planetis communicare, eosque calidos
reddere, atque adeo aetherem esse medium, quo corpora a se invicem remota
calorem communicant.
§ 35
Remota itaque
materia
calori alias unice consecrata finis verbis imponendus est; verum e parte
contraria novum negotium insurgit. Non enim desunt, qui etiam frigori
speciale corpus dicaverint, nimirum causam ejus positivam in salibus
sta-tuerint, rationem afferentes, quod sales in aqua soluti frigus producant.
At quoniam iidem sales saepe etiam calorem gignant, ut sal communis affuso
oleo vitrioli fervet et calorem concipit; quamobrem nos pari jure etiam
caloris causam salibus adscri-bere possemus, si tarn incondite
argumentari, vel
potius insa-nire, luberet.
Tantum,