mixta sunt. Per hanc
definitionem facile discernere possumus, quae sint verae operationes
chymicae, atque genuinae, quaeque
auxiliares tantum. Priores enim vel (1) miscibilia separata conjungunt in
mixtum, vel (2) mixta separant in
miscibilia, sive (3) simul utrumque praestant aut (4) quantitatis rationem in
miscibilibus mutant, seu denique (5) particularum situm in mixtione
transponunt. Ubique
autem qualitas particularis una aut plures alterantur. Posteriores nil
istiusmodi praestant, sed in aptandis corporibus ad veras opem ferunt.
§ 53
Genuinas operationes
chymicas dividimus in genericas et speciales, seu in primarias et subalternas.
Genericae numerantur nobis sex:
relaxatio, concretio, solutio, praecipitatio,
diges-tio et sublimatio. Subalternae seu speciales sunt numero plures, quarum
pleraeque non pro varietate modi, quo fiunt, sed pro diversitate materiae a
Chymicis fictae sunt. Idcirco, exclusis superfluis, * potiores sub primariis
recensemus suo quamque loco.
§ 54
Relaxatio est cohaesionis
inter particulas corporis debilitatio aut etiam destructio. Hoc operationis
genus merito constituimus atque reliquis praemittimus, cum (1) palmariam
qualitatum
par-ticularium in corporibus mutet et (2) viam ad mixtionem alte-randam
aperiat, atque (3) vim cohaesionis variam
inter particulas in plerisque corporibus indicet.
§ 55
Mutatur
relaxatione potissimum situs particularum mixti (§ 52
n. 5); quamvis aliae alterationes non
raro contingunt, » Зачеркнуто Mercurificatio.
