§ 1
Soliditas et
fluiditas
corporum quantum a varietate caloris et frigoris dependeant, in confesso est
apud omnes. Qua-propter non incongruum esse duco hac solemni celebritate, nos-
tris
quoque lucubrationibus devotissime honoranda, cum clarissimus Collega noster
Braun de congelato a se Mercurio verba fecerit, etiam meas meditationes
proponam, causam spectantes variae corporum cohaesionis: ut inde clarior
ob-oriatur idea variarum congelationum et regelationum, quae in corporibus
sensibilibus contingunt, indeque illa solida sive fluida fiunt.
§ 2
Communem causam
cohaesionis quaerens antevertere primum debeo eos, qui de illa non satis
solliciti in mera acquiescunt attractione, sine ulla suspicione impulsus
considerata. Itaque praedico, nullo modo illam posse a me agnosci atque
admitti, ob meas rationes solidas, easque, ni fallor, novas.
§ 3
Etenim si mera vis
attractrix datur in corporibus; ad motum jproducendum Ulis innata sit, necesse
est. Verum et impulsu
