sunt diversi gradus
ductilitatis et fragilitatis etc. , quae longam eamque variam disceptationem
exposcunt, nec non distinctam expositionem corpuscularis Philosophiae
desiderant. Quamobrem his in posterum reservatis, id solum
considerabimus, quantum
corpora ab ebullitione ad congelationem usque contrahi possint et soleant.
§ 20
Primo videamus id a
priori ex situ vario corpusculorum, quorum figura sphaerica vi superiorum
demonstrationum tuto assumi potest. Quatuor corpuscula sphaerica possunt
cohaerere situ strictissimo, ita ut rhombo inscribantur, cujus anguli CB
60, AD vero 120 graduum sunt. Situ
autem amplissimo et in contactu inscribuntur in figuram cubicam. Ejusmodi
solida aequilatera [fig. 2, 3] sunt inter se ut AB3 ad
Etenim AC = BC,
atque ejusmodi corpus
rhomboicum dividi potest in duo prismata aequalia ADCFBE et ADCFGH,
quorum latus commune ADCF est quadratum. Et
quoniam anguli ABC et FBD sunt recti; [fig. 4] erit dimidia diagonalis
AC aequalis altitudini BK prismatis ADCFBE,
seu dimidii corporis
rhomboici. Unde corpus cubicum ad corpus rhomboicum erit fere ut 1000 ad 707.
§ 21
Hinc autem
apparet, 1) quantum corpora
simplicia, nempe quae ex aequalibus corpusculis constant, vacuaque a
peregrina co-haerente materia habent interstitia, expandi et contrahi possint,
cohaesione manente, quamvis varia; 2) interjecta corpuscula materiae
peregrinae cohaerentis,
ex. gr. aeris in spaciolis a materia propria vacuis, prohibere situm horum
rhomboicum strictissimum,
