erit inde fluida
materia, cujus superficies a fluctuatione libera est, atque a partium
cohaesione.
§ 22
Denique construatur
clepsydra ex duabus lagenulis, ut fieri solet, vitreis. Sed Ioco laminae
perforatae instruatur duplicato exiguo levigatissimo chalybeo infundibulo, ex
utraque parte, et tandem indurato, ut grando orichalcea, sive argentea, sine
obstaculo integra alternatim in alterutram lagenulam elabi certo possit tempore.
Ultimo per experientiam metallicae quantitas grandinis mensuretur ad
horologium accuratissimum oseillato-rium, ut effluxu finito horam praecise
indicet.
§ 23
Clepsydras
istiusmodi
metallicas non caloris non frigoris vicibus alterari, non olei ad inungendum
adhibiti (quum nullo opus sit) inspissatione retardari posse
apparet. Agitationes
vio-lentae, ut ab automatis supra descriptis, convenienti aequilibrio et loco
in centro navis arceri possunt. Porro quantum fluxum grandinis accelerare aut
retardare possunt agitationes, expe-rienta inquirendum.
§ 24
Usus clepsydrae est
multum dissimilis ab eo, quem in horologiis servamus, quippe post effluxum
grandinis convertenda est. Ad conversionem tempus unius scrupuli secundi
insumendum censeri potest. Et si clepsydra horaria est, conversiones horas
indicabunt applicata ad axem rota, in horas divisa. Divisio in scrupula
necessaria non est. Nam finita hora et conversa clep