§ 66
In speculationibus
ejusmodi id primo tenendum est mente. Cum unius ejusdemque magnetis partes
varient virtute pro varia illarum nobilitate; de vasto telluris corpore quid
judicandum sit, satis apparet. Equidem non ex praejudicio, sed ex rei ipshis
natura illam magnetem esse censeo. Quippe magnes nil aliud est quam ferri
minera, non secus ac orbis terrarum integer: cum nulla fere terrae species
inveniatur, quae non rubiginem, ferri indolem, in se prodat; nulla fere
regio, quae non venas ferri-feras exhibeat, quarum nobilitas, ut in magnete
partium, variat.
§ 67
Ponamus ergo
terram
esse magnetem ex frustis, seu potius tractibus totius molis
heterogeneis, pluribus,
diversae . . virtutis compactam; quae pro situ et vigore suo agunt in acum
magne-ticam; necessario sequetur pro varietate locorum varia jllius directio.
§ 68
Haec si in conspectu
habere desideras; compinge magnetes aliquot axium et polorum situ congruo, ut
speciem alicujus terrellae constituant; adapta ad quemlibet magnetem versorium
exiguum; admove in earum vicinitatem magnetem robustiorem, videbis pro vario
situ varias versoriorum directiones. Admove sie magnetes plures, plures
observabis in versoriis variationes.
