deretur, ad elevationem mercurii in
utroque barometro
compa-randam, aquae eidem erant immersa. Ex isto apparatu cogno-scere
cupiebam, utrum in propria gravitate mercurii vicissitu-dines observari
possent. Multae difficultates, ab inconstantia tempestatis et ab ineunte vere
praesertim exortae, prohibuerunt certum quid judicare de observatis
mutationibus ejusmodi baro-metri. Sequento hyeme spero, iteratis experimentis
et observa-tionibus volento deo, veritatem erutam iri posse, erudito orbi
proponendam.
§ 80
Caeterum cum haec
experimenta et observationes requirunt sedulam repetitionem et
verificationem; idcirco
suadeo omnibus industriis arcanorum naturae indagatoribus, ut in antiquis
lapideis aedificiis, in quibus nulla declinatio a perpendiculo timeri
possit, quae
observationes turbaret, suspendant similes machinas, quae quo Iongiores et
graviores, eo meliores esse debent. Profunda cella sub observatorio
astronomico Parisino ab omni suspicione nutationis libera, praesertim autem
putei metallifodinarum in Saxonia et Hercinia, hunc in usum optime adhiberi
possent: si eruditi ibi incolae exiguam impensam insumere et operam navare
vellent. Praetereo quid in Indiarum regionibus ad hanc theoriam, quae ad
navigationis certitudinem quam plurimum conferre potest, condendam et
excolendam prodessent peregrinantes eruditi, eorumque fautores.
Caput
IV
DE PRAESAGIO TEMPESTATUM,
PRAESERTIM VENTORUM
§ 81
Prognostica
mutationum
atmosphaerae quam utilia atque necessaria sint, probe novit agricola, qui
tempore satus et messis sudam tempestatem, interea temperatam calore
pluviam
