longius а bulbo recedat, quam spiritus
in altero; atmosphaeram
reddi leviorem, et barometri mercurium descendere.
CONCLUSIO
Quicunque perpendit
tot
discrimina, quibus non solum naves, immenso labore et sumptu
exstructae, atque
pretiosis mercibus onustae; sed etiam vitae hominum exponantur, non mirum
esse censebit eruditorum plerosque in exquirendis infinitis et variis mediis ad
illa removenda idoneis sedulo versari. Ad salvanda tot et tanta bona, omnibus
annitendum est viribus, et tarn vastus atque horrendus Gygas, quantum novimus
Oeeanum, omni certaminum vi, omni stratagematum artificio adoriendus
est. Item
excussis diversi generis causis, quibus navigantes a proposito itinere deflecti
solent, nemo superfluum esse censebit varium instrumentorum apparatum. Quippe
alio modo mutatur directio virtutis magneticae, non cursibus marium, non
flatibus ventorum pedissequa. Alio cursu movetur Oceanus, spreto acus
magneticae situ. Alio impetu feruntur fluctus, non acus magneticae directioni,
non meatibus maris, sed ventorum imperio obtemperantes. Res natura diversae
diversa requirunt machinamenta. Ipse quo-que rerum Conditor fabrefecit ad
visionem oculos, refractioni radiorum luminis convenientes; ad auditum aures,
proprietatibus tremuli aeris congruas; construxit et ad alios sensus
excitandos diversa, sed idonea Organa. Ergo contra tot varias actiones, imo
invasiones turbulenti maris, omnes vires judicii, divitiarum et potentiae
sunt intendendae. О utinam omnes labores, curae, sumptus, et hominum
infinita multitudo, quae belli violentia consumuntur, eradicantur, in usum
pacatae et eruditae naviga-tionis adhibita essent! Jam non solum incognitae
adhuc habitati orbis regiones, non solum sub inaccessis adhuc
polis glacie
