Gemmae
flavae, caeruleae
et virides
Nr. 26. Tres
Topasii, quorum
unus quadrilateram basin habet, in pyramidulam exsculptus, tres circiter
lineas longus et latus, colore aureo vividissime rutilans; cui adpositus est
alter Topasius paulo major ejusdem figurae, sed pallidior, et cum fissuris in
meditullio apparentibus; ibidem adjacet lenticularis Topasi4s adeo
parvus.
27. Topasius ejusdem cum
duobus prioribus figurae, verum mole major et pallidior, cui adjacet alius
multo minor, similiter coloratus et figuratus.
28. Quatuor Topasii spurii,
quorum duo basin quadrilateram habent suntque in formam pyramidum excisi
longitudi-nis fere semipollicaris; reliquorum alter in formam len-ticularem
oblongam expolitus, uno latere tabulis ornato, longitudinis
semipollicaris, alter
multo minor, figurae lenticularis plano-convexae, oblongus.
29. Saphyrus femella adeo
pallida in figuram octogonam expolita et quibusdam in locis
semiperforata, nucis
avel-lanae magnitudinem adaequans; altera paulo minor pla-nior ejusdem figurae
et coloris; appositae sunt tres aliae Saphyri femellae prioribus minores, sed
coloris paulo satu-ratioris, in formam pyramidalem exsculptae. Ibidem
adjacent aliquot saphyri femellae minutae non exsculptae; ubi quoque pyxis
eburnea adest cum aliquot Saphyris crudis minutissimis.
30. Novem Smaragdi
majusculi in diversas figuras expoliti, quorum maximus tres vel quatuor lineas
longus est, cum incisa imagine viri cujusdam militaris.
31.
Aliquot Smaragdi exigui impoliti.
32. Duo Prasii nucem
avellanam mole adaequantes, quorum alter in pyramidem excisus, basi octogona,
alter in pyra-midem exsculptus, basi heptagona, et uno angulo acutiore in
cuspidem exporrecto. Adjacent alii quatuor minores in varias figuras excisi.
