Theorema XII § 63. Si corpuscula corporis
A fuerint majora, quam
corpuscula corporis B, eidem tarnen figura et ratione contactus
similia, corpuscula corporis A firmius cohaerent, quam corpuscula corporis B.
Demonstratio
Quoniam corpuscula
corporis A similia sunt ratione contactus corpusculis corporis В per hypoth.
, debent
ergo lateribus homologis plana contactus formare eandem rationem ad latera
contactus habentia, quam plana contactus corpusculorum corporis В ad latera
contactus, quibus
ea formantur (16
et
17), et alternando plana
contactus corpusculorum corporis A eandem rationem habent ad plana contactus
corpusculorum corporis B, quam latera contactus corpusculorum corporis A ad
latera contactus
corpusculorum corporis В (Elem. arith. , § 173), Quoniam autem latera
contactus corpusculorum corporis A majora sunt lateribus contactus
corpusculorum
corporis В
(§ 34), sunt igitur necessario plana contactus corpusculorum corporis A
majora, quam plana
contactus corpusculorum corporis B: atque adeo corpuscula corporis А firmius
cohaerent, quam
corpuscula corporis В (§ 57).
Corollarium § 64. Quoniam omnia corpora
observabilia sunt mixta (§ 32), quaecunque igitur propter diversam molem
corpusculorum cohae-sione differunt, eorum miscibilia etiam differre debent (§
36).
Theorema XIII
§ 65. Si corpuscula corporis
A fuerint mole aequalia
corpusculis corporis B, corpuscula tarnen corporis A firmius cohaerent, quam
corpuscula corporis B, corpuscula haec ratione contactus vel figura
differunt.