ricam proxime accedit; idque
ex reflexione aeris in fornicibus ellipticis observata non obscure
colligimus. Quoniam
autem calidus aer frigida, quae ambit, corpora calefacit; atomi ergo illius
particulas corporum contiguorum in gyratorium, qui calorem efficit, * motum
excitant. Hoc tarnen fieri non potest, quin oriatur inter illas
frictio; oriri
vero frictio non potest, nisi atomi aereae sint asperae.
§ 9
Hoc autem rerum naturae
maxime consentaneum est. Quippe in omnibus corporibus mundi, totalibus atque
partialibus, ea figura, quam quodlibet peculiarem sibi habet, nuspiam tarn
adaequata reperitur, quin inaequalitates aliquas in se prodat. Quae quidem
ita adsunt, ut ipsa figura, ob pusillam ratio-nem illarum ad totum, servet
suam speciem. Quemadmodum itaque natura telluris nostrae globum montibus et
corpora illius partialia, etiam quo ad sensum laevissima et, si cum illa
compa-rentur, perpusilla, ad usus suos inaequalitatibus aspera esse
voluit; ita
quoque aereas atomos, licet ab omni compositione physica alienas, industria
ejusdem naturae, in simpicitate quoque sua callidae, prominentiis
subtilissimis firmissimisque ad effectus utilissimos instructas esse ex
analogia colligitur.
§ 10
Removentur autem atomi
aeris elaterem exercentes a se invicem vel immediata quadam reciproca
actione, aut
mediante aliquo fluido inter illas diversante, adeoque multo subtiläoribus
particulis constante. Utrum horum in elatere producendo locum
* Vide meditationes nostras de causa
caloris.