Cum propositae materiae
natura non solum descriptionibus, verum etiam iconibus ad repraesentanda et
explicanda phaeno-mena indigeat, quorum interpositu Orationis filum interrumpi
necesse esset; porro interea temporis cum oratio haec jam sub praelo
esset, non
pauca mihi inciderunt, quae ad augendam probabilitatem meditationum mearum
conferre posse viderentur: idcirco justum ratumque esse censui, ut
explanationes quorun-dam locorum orationis meae hic subjungerem, quasi quasdam
accessiones, nullum aptiorem locum alias habituras.
I. Idcirco et me
operae pretium etc.
(p. 32, 1. 28). Descen-sum atmosphaerae
et ascensum paucis attigit Franclinus in lit-teris suis; tarnen in mea theoria
de causa aereae electricitatis, nil ipsi deberi ex sequentibus potest colligi.
Primo de aeris superioris descensu ante aliquot annos cogitavi et
disserui, Franclini
autem litteras nuper, cum oratio mea fere integra exarata
esset, obtinui. Secundo
descensus atmosphaerae superioris Franclinus conjectura tantum supposuit; ego
vero ex ingruentibus hyeme subito stupendis et rigidissimis frigore
tem-pestatibus, ex fönte novo et in Philadelphia ignoto derivavi, de quo apud
Franclinum nulla est mentio. Tertio calculo sup-putavi et
demonstravi, superiorem
aerem descendere aliquando in inferiorem non solum posse, sed etiam
debere. Quarto
ex hoc fundamento multa explicavi phaenomena, fulmineae electricitatis socia,
quorum apud Franclinum ne vestigium quidem.
