cunque in favorem
vocatae in dubium hypotheseos fingi possint, adhuc minus aptae esse
videntur, cum
etiam simplicitati, insi-piditati, pelluciditati aquae repugnent. Igitur si
aquae particulas ob invictam firmitatem solidas, ob volubilitatem sphaericas
adeo verosimili ratione ponimus, neque auro, quod tot poris patet, cubicas
particulas tribuere possumus, in utroque autem corpore, ut dictum
est, densissimum
situm esse existimamus; tum pro-fecto gravia satis argumenta habemus, quibus
dubium de illa hypothesi augeatur. Simili ratione de multis aliis
corporibus, ex.
gr. de adamante et Mercurio, disputari potest, cum vero-simile sit etiam
firmitatem corporum cum densitate materiae conjunctam esse posse. Mirum enim
est omni modo, quod posito illam hypothesim veram esse, ut corpus tarn
stupendae duritiei, tamque compactum, fixum et densum, ut nullum menstruum
hucusque cognitum in porös ejus penetrare nec validissimus ignis fundere possit,
constet materia quater circiter leviore illa, quae componit
mercurium, fluidum,
plerisque menstruis per-vium, volatilem . Sed satis demonstratum esse
videtur, memoratae hypothesi contrarium esse posse: primo quod non sit satis
demonstrata, secundo quod multis prematur difficultatibus. Nec tarnen haec
sola sunt, quae contra illam urgent, verum plura i nvenimus, quando in
rationem gravitatis inquirimus.
Effectuum
phaenomena
magis dilucida perspicuaque reddi, cognita eorum causa, nemo est, qui
dubitat; unde et gravitatis causa perspecta etiam de varietate specificae
gravitatis corporum exploratum fieri posse non est dubium. Quamobrem necesse
est, ut, quantum haec quaestio expostulat, de causa gravitatis pauca in
genere proponantur.