©
PRAEFAMEN
Emolumenta humane-
generi studio navigandi parta nume-rando percensere est vastum ingredi pelagus,
Auditores. Ab anti-quis inde temporibus in nostra usque saecula tot gentium
ac populorum aperto mari celebrata commercia et reeiproea bonorum communicatio
luculentissimum illorum perhibent testimonium. Nostri autem aevi longinquae
navigationes ad hospitalia India-rum littora quot et quanta ejusdem rei dedere
documenta! Postquam enim Hispanorum atque Lusitanorum periculosa indu-stria
intentatus antea Oceanus est reclusus patuitque reliquis tandem Europae
gentibus, immensum quantum crevere portuoso-rum littorum opes, quae inde
quaquaversum diffusae auxerunt privatorum quaestus, Principum thesauros et
potentiam.
Equidem praeclare
actum
est cum Europae incolis, quibus hic tantus aditus ad comparandas ad ortum et
occasum Solis divitias patefactus est navigationis beneficio. Verum tarnen
saepe contingit ut itineris taedia prope omnem voluptatis sensum, ex quaestu
oriundum, extinguant; imo quandoque spes lucri cum vita abrumpatur. Agitari
saevientis impetu maris, aestu, siti, fame premi, febribus absumi, contagio
pestifero infici, atque adeo in delirium rapi, nec interea portus alieujus
refugium et solamen certo scire, est fere inter defunetos vitam agere. Omnia
prope haec mala ab incertitudine navigationis proficiscuntur.