taediosus labor in ipso
conficiendo, raritas et Caritas instrumenti, hebetatio post secundam
reflexionem radiorum, et inde orta minor claritas, confusio ex secunda
reflexione radiorum, et inde visio objecti minus distincta, vacillans situs
ipsius minoris speculi, et tremulatio ejusdem a motu quolibet; praestrictio
opti-morum (ad distinctam visionem) radiorum, cessant; et nova astrorum
observationibus accedunt emolumenta.
Sbuidem primo hic situs
tubi, quamvis non adeo magni esse videatur momenti et fere communis cum tubo
Nevtoniano, commoditati favet observatoris, cum a colli et oculi retorsione
liberet, quae in usu tubi Gregoriani ipsum non parum fatigare
solent, praesertim
cum ante ipsam observationem focos specu-lorum ad congruum situm reducendo non
sine molestia sursum tuetur observator. Contra vero hujus inventi beneficio
consuetus
magis capitis et oculi situs retinetur, imo quo observandum sidus
surgit, altius,
eo majore commoditate fruitur astronomus, sub pedibusque videt sidera.
Sed plus utilitatis
habent sequentia. Nimirum tubi cata-dioptrici non possunt admittere circa
focum pertusos illos rotundo foramine orbes, quibus radii divergentes et foci
ampli-tudinem confuse augentes arceri solent: quippe omnem aut mag-nam radiorum
copiam, ad speculum magnum tendentium, prae-cluderent. Contra vero in tubo
nostro utilissima istiusmodi adminicula, ad distinctam visionem multum
contribuentia, facile possunt adhiberi: ut patet ex ipsa descriptione et
delineatione.
Apertura speculi
objectivi solet contrahi ob promovendam distinctiorem visionem, quo tarnen
claritati derogatur. Rejecto autem speculo minore optimi radii axem stipantes
libere ad objectivum speculum admittuntur, quibus claritatem augentibus