Qua vero ratione
Laboratorium condendum et operationes instituendas esse censeam, sequentibus
proponitur.
1
Laboratorium ipsum cum
conclavi et foco ex lateribus debet exstrui, eo modo, ut apposita hic
delineatio fundamentalis ostendit, ubi simul numerus et dispositio furnorum ob
oculos ponitur.
2
Professor Chymiae
praesto debet esse, ubi operationes Chy-micae peragendae sunt. Quae quoniam
saepenumero per dies durant, ideo necesse est, ut domus illius sit juncta
Laboratorio Chymico. Ea vero ut sit tuta ab ignis injuria, qui in Laboratorio
etiam noctu non raro erit fovendus, ideo ipsam etiam domum e lateribus
aedificandam
esse censeo.
3
Sumptus ad exstruendum
Laboratorium et domum atque ad compirandas primum materias Chymicas et
instrumenta neces-sarios in litteris petitoriis determinandos non esse, sed
omnem aedificandi curam Architecto cedendam judico, ne quid moles-tum in
reddendis in posterum rationibus, Academicis obtingat.
4
In instituendis
operationibus Chymicis oportebit: 1) Corpora naturalia et arte producta, quae
chymico
examini subjici solent, diligenter depurare. 2) Mixtionem eorum per
synthesim et ana-lysim indagare. 3) Per combinationem variorum corporum nova
producta
quaerere. 4)
Experimenta
alias instituta, quorum suc-cessus adhuc dubii sunt, cum debita attentione
repetere. 5)
Instrumenta
Physica, quae ad Chymicas operationes appli-cari possunt, circumspecte
adhibere, applicari autem ea posse per institutas solutiones in vacuo
didicimus.
